Vastelaoves Leefde

Ein jaor langk löp men in t gareel,
’t Liek zo sjoon, maar neet riejeel.

Hoogste tied veur “lol en plezeer”
Noe kint ’t nog, sjtraks neet meer.

Zilver, goldj of diamant,
Gein huwelik hilt mit dees daag sjtand.

Geine sjpiet, gedaon is gedaon,
Leefde gebraoke, nuuje ontsjtaon.

Vastelaoves Leefde,
Waat ein geveul
Vastelaoves Leefde,
Maar luuj pas op, want link det kint t zeen.

Waat höbse gedaon, wo is dien versjtand?
Verdeent dae ringk waal diene handj?

Waerd d’r gebiech of nieks gezag,
Dit avontuur doert toet de letste nach.

Vastelaoves Leefde,
Waat ein geveul
Vastelaoves Leefde,
Maar luuj pas op, want link det kint t zeen.

Dink goot nao, waat geis-se doon?
Aafgetraoje of nuuje sjoon?

Vilt ’t mit, of waerd ’t zjwaor?
Mega geveul, toet volgendj jaor.

Vastelaoves Leefde,
Waat ein geveul
Vastelaoves Leefde,
Maar 't blieft altied ein MEGA geveul.....

Vastelaoves Leefde,
Waat ein geveul
Vastelaoves Leefde,
Maar luuj pas op, want link det kint t zeen.

Vastelaoves Leefde,
Waat ein geveul
Vastelaoves Leefde,
Maar luuj pas op, want link det kint t zeen.

Vastelaoves Leefde,
Waat ein geveul
Vastelaoves Leefde,
Maar luuj pas op.